رووداو دیجیتاڵ
بەڕێوەبەری گشتیی هێڵی ئاسمانیی تورکیا رایگەیاند، گەشتەکانیان لە تورکیاوە بۆ دیمەشقی پایتەختی سووریا دەستپێدەکەنەوە.
بیلال ئەکشی، بەڕێوەبەری گشتیی هێڵی ئاسمانیی تورکیا درەنگی شەوی چوارشەممە 15ـی کانوونی دووەمی 2025 لە تۆڕی کۆمەڵایەتیی ئێکس رایگەیاند، لە 23ـی کانوونی دووەمی 2025 ـدا دەست بە گەشتەکانیان بۆ دیمەشق دەکەنەوە.
بەڕێوەبەری گشتی هێڵی ئاسمانی تورکیا باسی لەوەشکردووە، لە هەفتەیەکدا سێ گەشتیان لە تورکیاوە بۆ سووریا دەبێت. بلال ئەکشی نووسیویەتی، "دەگەڕێینەوە بۆ شام، بەختێکی باش".
ئەکشی، لە پۆستەکەیدا دێڕێکی لە شیعرەکەی شاعیر سەزاییی کاراکۆچی نووسیوە و دەڵێت، "من هەزار ساڵ لەمەوبەر دیمەشق دەناسم. وەک شیری دایکم لە منەوە نزیکە".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ