کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

باڵیۆزخانەی ئەمریکا لە بەغدا. وێنە: AFP / AHMAD AL-RUBAYE

باڵیۆزخانەی ئەمریکا لە بەغدا. وێنە: AFP / AHMAD AL-RUBAYE

ئێران

ئێران: هێرشمان نەکردووەتە سەر باڵیۆزخانەی ئەمریکا

رێبوار محەممەد

رێبوار محەممەد

25-12-2020
گوێبگرە
0:00
0:00
قەبارەی دەق
رێبوار محەممەد
رێبوار محەممەد25-12-2020

بابەتی پەیوەندیدار

بەڕێوەبەرایەتیی کارەبای ئێران: ناچارین پێدانی کارەبا بە ماڵان کەم بکەینەوە
ئێران22-11-2026

بەڕێوەبەرایەتیی کارەبای ئێران: ناچارین پێدانی کارەبا بە ماڵان کەم بکەینەوە

قالیباف: تۆمەتبارکردنی یەکدی کۆتایی بە دۆخی "نە شەڕ و نە ئاشتی" ناهێنێت
ئێران22-11-2026

قالیباف: تۆمەتبارکردنی یەکدی کۆتایی بە دۆخی "نە شەڕ و نە ئاشتی" ناهێنێت

وەزارەتی تەندروستیی ئێران: ساڵانە نزیکەی 142 هەزار تووشبووی شێرپەنجە تۆماردەکرێن
ئێران22-11-2026

وەزارەتی تەندروستیی ئێران: ساڵانە نزیکەی 142 هەزار تووشبووی شێرپەنجە تۆماردەکرێن

 
رووداو دیجیتاڵ
 
وەزارەتی دەرەوەی ئێران، رەتیکردەوە لە هێرشکردنە سەر باڵیۆزخانەی ئەمریکا لە عێراقەوە گلابێت، وەک ئەوەی دۆناڵد ترەمپ، سەرۆکی ئەمریکا ئاشکرایکردبوو.
 
وەزارەتەکە لە بڵاوکراوەیەکی فەرمیدا دەڵێ: "واشنتن هەموو بەرپرسیاریەتییەکی، هەر کارێکی نادانایانەی دەکەوێتە ئەستۆ کە لە قۆناخی داهاتوودا، بیکات".
 
ئەوەشی گووتووە، تۆمەتبارکردنەکانی ئەمریکا بۆ تاران، کارێکی دووبارەیە و هیچ بنەمایەکی نییە، کۆشکی سپی بە "هەڵبەستنی درۆ" تۆمەتبارکرد.
 
محەممەد جەواد زەریف، وەزیری دەرەوەی ئێران، هێرشیکردە سەر سەرۆکی ئەمریکا. زەریف لە تویتێکدا نووسی، رووبەڕووبوونەوەی هاووڵاتییانی ئەمریکی بە هەر مەترسییەک لە دەرەوەی وڵاتەکەیان، سەرنجی خەڵک لەسەر شکستە کارەساتاوییەکانی ترەمپ، دوورناخاتەوە.
 
زەریف، وێنەی تویتێکی پێشووی ترەمپی بڵاوکردووەتەوە، کە هۆشداری دەدات لە هەوڵەکانی باراک ئۆباما، سەرۆکی پێشووی ئەمریکا بەهەڵگیرساندنی جەنگ لەگەڵ ئێران، لە کۆتایی ماوەی سەرۆکایەتی یەکەمی، لەپێناو سەرلەنوێ هەڵبژاردنەوەیدا، لە کاتەکانی نزیک لە کۆتاییهاتنی ماوەی یەکەمی سەرۆکایەتیی ئۆباما.
 
پێشتر، دۆناڵد ترەمپ، سەرۆکی ئەمریکا، لەپاش هێرشێکی مووشەکی بۆ سەر باڵیۆزخانەی ئەمریکا لە عێراق گوتی: "باڵیۆزخانەی ویلایەتە یەکگرتووەکان لە بەغدا ئێوارەی یەکشەممەی رابردوو رووبەڕووی هێرشی مووشەکی بووەوە کە سەرچاوەکەی ئێرانە". بەڵام وەزارەتی دەرەوەی ئێران ئەوەی رەتکردەوە و گوتی، ئەوە تۆمەتبارکردنی دووبارەی ئەمریکایە بۆ تاران و هیچ بنەمایەکی نییە.
 
ترەمپ کە لە تویتێکدا وێنەی سێ مووشەکی بڵاوکردەوە و نووسی: "ئێران بەرپرسیاریەتی کوژرانی هەر ئەمریکییەکی دەکەوێتە سەرشان و پێویستە باش بیر بکاتەوە".
 
سەرچاوە ئەمریکییەکان باس لەوەدەکەن، ئیدارەی ئێستای ئەمریکا، چەندین بژارەی تاوتوێکردووە، بۆ بەرپەرچدانەوەی ئێران و بریکارەکانی، بۆ هێرشکردنە سەر سەربازان و دیپلۆماتکارانی ئەمریکا لە عێراق.
 
کینیس ماکینزی، فەرماندەی ناوەندی هێزەکانی ئەمریکا لە رۆژهەڵاتی ناوەڕاست ئەگەری پێکدادانی سەربازیی نێوان ئەمریکا و ئێرانی بەدوورزانی و گوتی: ئێرانیش نایەوێ ئەو جەنگە لەگەڵ ئەمریکادا بەرپا بکات.
 
ئێوارەی 20ی ئەم مانگە، لەرێگەی هەشت مووشەکەوە، هێرشکرایە سەر باڵیۆزخانەی ئەمریکا لە بەغدا لە ناوچەی سەوز، سوپای عێراق گوتی 'گرووپی لەیاسا دەرچوو' هێرشەکەیان کردووە، لەکاتێکدا بەرپرسێکی ئەمریکا گوتی، وێڕای بریندارنەبوونی هیچ کەس لە هێرشەکەدا، بەڵام 21 مووشەک ئاراستەی ناوچەکە کراون و هەندێکیان بەر باڵەخانەکان کەوتوون.
 
میدیای ئەمریکی دەڵێن کۆشکی سپی بیر لە چەند بژارەیەک دەکاتەوە، لە بەرامبەر هێرشەکانی سەر باڵیۆزخانەکەیدا لە بەغدا، یەکێک لەوان داخستنی باڵیۆزخانەیەکەیە.
 
لەدوا رۆژەکانی سەرۆکایەتیی دۆناڵد ترەمپ لە کۆشکی سپی، هەڵچوونەکانی نێوان ئەمریکا و ئێران پەرەسەندنی خێرا بەخۆوە دەبینێت، هۆشداری لە هەڵگیرسانی جەنگ لە نێوان هەردوو وڵات دەدرێت. 
 
حەسەن رووحانی، سەرۆکی ئێران، گوتی گوشارە ئابوورییەکانی ئەمریکا بۆ سەر وڵاتەکەی، ئەنجامی هاوپەیمانیی نێوان دەوڵەتانی کۆنەپەرستی ناوچەکە، ئیسرائیل و تووندڕەوەکانی ئەمریکا بووە.
 
سەرۆکی ئێران، لە کۆبوونەوەیەکی حکومەتی ئێراندا گوتی، وڵاتەکەی شکستیهێناوە بە جەنگی ئابووریی گشتگیر کە ترەمپ بەسەریدا سەپاندووە.
 

بابەتی پەیوەندیدار

بەڕێوەبەرایەتیی کارەبای ئێران: ناچارین پێدانی کارەبا بە ماڵان کەم بکەینەوە
ئێران22-11-2026

بەڕێوەبەرایەتیی کارەبای ئێران: ناچارین پێدانی کارەبا بە ماڵان کەم بکەینەوە

قالیباف: تۆمەتبارکردنی یەکدی کۆتایی بە دۆخی "نە شەڕ و نە ئاشتی" ناهێنێت
ئێران22-11-2026

قالیباف: تۆمەتبارکردنی یەکدی کۆتایی بە دۆخی "نە شەڕ و نە ئاشتی" ناهێنێت

وەزارەتی تەندروستیی ئێران: ساڵانە نزیکەی 142 هەزار تووشبووی شێرپەنجە تۆماردەکرێن
ئێران22-11-2026

وەزارەتی تەندروستیی ئێران: ساڵانە نزیکەی 142 هەزار تووشبووی شێرپەنجە تۆماردەکرێن

پێشنیازەکان

ئەمەنەش ببینە