خۆپیشاندان لە مەیدانی تەحریر لە بەغدا
رووداو - بەغدا
ئێوارەی ئەمڕۆ لە شارەکانی بەغدا، کەربەلا و چەند شارێکی دیکەی باشووری عێراق بۆ رەتکردنەوەی جەنگ لەنێوان ئەمریکا و ئێران خۆپیشاندان دەستیپێکرد.
لە بەغدا خۆپیشاندەران لە گۆڕەپانی تەحریر کۆبوونەوە، لە کەربەلاش لە ناوەڕاستی شاردا کۆبوونەوە و داوایانکرد عێراق نەبێتە بەشێک لە ململانێی نێوان ئەمریکا و ئێران و بژاردەی جەنگیان لەنێوان ئەو دوو وڵاتە رەتکردەوە.
خۆپیشاندانەکان لە وەڵامی پەیامێکی موقتەدا سەدر دێت کە داوای لە عێراقییەکان کردبوو لە هەموو شارەکان جگە لە نەجەف، شەوی هەینی خۆپیشاندان بکەن و بژاردەی جەنگ لەنێوان ئەمریکا و ئێران رەتبکەنەوە و داوابکەن عێراق نەبێتە بەشێک لەو ململانێیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ