مەید ئین کوردستان - بۆڕی

 مەید ئین کوردستان ئەمجارە باسی دروستکردنی بۆری کشتوکاڵی دەکات لە کارگەی سامان لە ناوچەی پیشەسازیی تیمار لە هەولێر.
کارگەی سامان لە ساڵی 2012 لە هەولێر دامەزراوە و لە ساڵی 2021 بەشی بۆریی کشتوکاڵیی زیاد کردووە.
ئەم کارگەیە لەسەر رووبەری 8,000 مەتر دووجا لە ناوچەی پیشەسازیی تیمار دامەزراوە و لە سێ بەشی سەرەکی پێکهاتووە: بۆریی ماڵان، بۆریی کشتوکاڵی و بۆریی تایبەت بە بیر.
توانای بەرهەمهێنانی کارگەکە دەگاتە 15,000 مەتر بۆری رۆژانە بە قەبارەی جیاواز.
لە هەر کاژێرێکدا 265 بۆریی شەش مەتری و 720 پارچە واشەر (ئاوهاوێژ) بەرهەم دەهێنن.
ماددەی خاوی باش بەکاردێنن کە لە وڵاتانی وەکو کۆریا، ئەمریکا و سعودیە هاوردە دەکرێت.
بەرهەمەکانی کارگەی سامان لە سەرانسەری هەرێمی کوردستان و عێراق دەفرۆشرێت، لە هەولێر، سلێمانی و دهۆکەوە بۆ ناوەڕاست و خوارووی عێراق، وەکو کەرکووک، بەغدا و بەسرا.
ئەم بەرهەمە خۆماڵیانە چەندین سوودیان هەیە بەراورد بە هاوردە: نرخی هەرزانتر، کوالێتیی باشتر و گونجاو بۆ سروشتی ئاوی ناوچەکە، خزمەتگوزاریی خێراتر بۆ جووتیاران و توانای گۆڕینەوەی پارچە تێکچووەکان بە خێرایی.
ئەم کارگەیە بووەتە پردێک بۆ پەیوەندیی نێوان پیشەسازی و کشتوکاڵ لە هەرێمی کوردستان، کە یارمەتیی بەرەوپێشچوونی کەرتی کشتوکاڵ دەدات و پێداویستییەکانی جووتیاران دابین دەکات.
بەکارهێنانی ئەم سیستەمە نوێیەی ئاودێری لە کوردستان بووەتە هۆی باشترکردنی چاندن و زیادکردنی بەرهەمی کشتوکاڵی.