پرۆژەی ماسی

به‌پێی سه‌رچاوه‌ زانستییه‌كان زیاتر له‌ 20 هه‌زار جۆری ماسی ناسراو هه‌یه‌ له‌ ته‌واوی زه‌ریاو ده‌ریا و رووبار و ده‌ریاچه‌كانی دونیادا. له‌ باشووری كوردستانیش چه‌ندین جۆری ماسی هه‌یه‌. یه‌كێك له‌و جۆره‌ ماسییانه‌ی كه‌ زۆر داخوازی له‌سه‌ره‌ ماسی جۆری كارپە. 

ماسی كارپ ، به‌یه‌كێك له‌ باشترین جۆره‌كانی ماسی داده‌نرێت كه‌ به‌ خێرایی كێشی زیادده‌كات و ده‌توانرێت سودی ئابووری باشی هه‌بێت. ماسی كارپ له‌ وه‌رزی هاویندا گه‌شه‌یه‌كی باش ده‌كات. پله‌ی گه‌رمی گونجاو بۆ گه‌شه‌ی ماسی له‌ 18 تاوه‌كو 30 پله‌ی سیلیزییه‌. 

ئەم پرۆژەیە لە شاری هەولێر، درێژی حه‌وزه‌كانی 85 مه‌تره‌ به‌هۆی ئه‌وه‌ی له‌ شێوه‌ی ڤی زمانی ئینگلیزین، پانییه‌كانیان له‌ سه‌ره‌وه‌ 7 مه‌تره‌و له‌ ژێره‌وه‌ش مەترێک و بیست سانتیمه‌تره‌. سودی ئه‌م شێوه‌ ڤییه‌ بۆ حه‌وزه‌كان ئه‌وه‌یه‌ كه‌ ناهێلێت ماسییه‌كان وه‌كو حه‌وزی ئاسایی بچنه‌ خواره‌وه‌ بوه‌ستن و جوڵه‌ نه‌كه‌ن.و ماسی كاتێك جوڵه‌ نه‌كات و بچێته‌ خواره‌وه‌ی حه‌وزه‌كان ئه‌گه‌ری هه‌یه‌ جگه‌ له‌ ته‌مه‌ڵ بوون چه‌ورییان زیادبكات.

بەرنامەیەكی 24 خولەکی هەفتانەیە بۆ نمایشی پیشەسازی ناوخۆیی هەرێمی كوردستان. بایەخ بەو كاڵایانە دەدات كە لە هەرێمی كوردستان و لە كارگەكانی كوردستاندا بەرهەم دەهێنرێت