گوندی لوبنانی

ئه‌زموونی ئه‌و ناوچانه‌ی تایبه‌تمه‌ندی خۆی هه‌یه‌، له‌ چوارچێوه‌ی پرۆژه‌ی نیشته‌جێبوون، بوونه‌ته‌ سیمای شاره‌كان و له‌ هه‌ولێر چه‌ند نموونه‌یه‌كی زیندوو هه‌یه‌ كه‌ به‌ناوی شار، یان وڵاتێكه‌ هه‌ڵگری خه‌سڵه‌تی شار، یان وڵاته‌ ره‌چه‌ڵه‌كه‌یه‌تی و یه‌كێك له‌و ئه‌زموونه‌ زیندوانه‌ی شاری هه‌ولێر، گوندی لوبنانییه‌. 

له‌ گوندی لوبنانی جگه‌ له‌ ڤیلاكان، چه‌ندین جۆر شوقه‌ و ئاپارتمان هه‌یه‌ و هه‌ریه‌كه‌یان خه‌سڵه‌ت و تایبه‌تمه‌ندێتی خۆی هه‌یه‌ و وه‌ك خاوه‌نی پرۆژه‌كه‌ بۆ رووداوی باس ده‌كات، له‌ تایبه‌تمه‌ندێتی ئه‌ندازه‌ی بیناسازی لوبنانییه‌وه‌ سه‌رچاوه‌ی گرتووه‌. 

هێدی كه‌ریم پێشكه‌شكار و پرۆدیوسه‌ری به‌رنامه‌ی مێدئین كوردستان، ره‌خنه‌ی ئه‌وه‌ له‌ خاوه‌ن پرۆژه‌كانی له‌م شێوه‌یه‌ ده‌گرێت كه‌ چه‌نده‌ سوودمه‌ندین، به‌ڵام وه‌ك پرۆژه‌یه‌كی عێراقی سه‌یری ده‌كه‌ن. 

گوندی لوبنانی له‌لایه‌ن بنه‌ماڵه‌ی حه‌ریری به‌رهه‌م هاتووه‌ و یه‌كێك له‌ كه‌سه‌ نزیكه‌كانی سه‌رۆكی تیرۆركراوی پێشووی لوبنان ره‌فیق حه‌ریری به‌ڕێوه‌ ده‌برێت. ئه‌و سه‌رسامی خۆی بۆ كوردستان و تایبه‌تمه‌ندێتییه‌كه‌ی هه‌یه‌ و به‌ بنه‌مایه‌كی باشی پرۆژه‌كانی وه‌به‌رهێنان و خۆشگوزارانی ده‌زانیت. 
به‌رنامه‌ی مێدئین كوردستان له‌م ئه‌ڵقه‌یه‌یدا باس له‌ پرۆژه‌ی گوندی لوبنانی ده‌كات. 

 مەیدئین کوردستان پڕۆگرامێکی هەفتانەی تۆڕی مێدیایی رووداوه‌ و باسی کەرتی پیشەسازی و پڕۆژە ستراتیژیەکانی کوردستان دەکات و یه‌كه‌مین ئه‌زموونی مێدیایی كوردی له‌و شێوه‌یه‌یه‌.