کوردستان لەبەردەم دوو قەیرانی گەورەدا: مووچە و هێرشی ئەلیکترۆنی

لە قەیرانی مووچەوە تا هەڕەشەکانی ترەمپ؛ چۆن لە یەک کاژێردا لە هەموو جیهان تێبگەین؟
هەموو بەیانییەک، لەگەڵ هەڵهاتنی خۆردا، لێشاوی هەواڵ و زانیاری دەست پێدەکات؛ لە مشتومڕی نێوان هەولێر و بەغداوە تا دەگاتە هەڕەشەکانی سەرۆکی ئەمریکا و ئاڵۆزییەکانی ئێران. لەم نێوەندەدا، چۆن دەتوانیت وێنەیەکی روون و دروستت لەسەر جیهان هەبێت بەبێ ئەوەی لەنێو هەواڵی ناڕاست و پڕوپاگەندەدا ون بیت؟ وەڵامەکە لە شۆیەکی بەیانیاندایە کە بووەتە نەریتێکی رۆژانە: رۆژی هیوا جەمال.

هەموو بەیانییەک کاژێر 08:00، هیوا جەمال بۆ ماوەی یەک کاژێر دەروازەیەکت بۆ دەکاتەوە؛ نەک تەنیا بۆ بیستنی هەواڵەکان، بەڵکو بۆ تێگەیشتن لە پشتی پەردەی رووداوەکان. ئەم بەرنامەیە تەنیا رووماڵی سیاسییە باوەکان ناکات، بەڵکو لە رێگەی چیرۆکی کەسی و گفتوگۆی قووڵەوە، بابەتە ئاڵۆزەکان سادە دەکاتەوە. لە "رۆژی هیوا جەمال"دا، راستی لە هەواڵی ساختە جیا دەکرێتەوە و رای شەقام لەسەر پرسە گەرمەکان دەخرێتەڕوو.

کوردستان لەبەردەم دوو قەیرانی گەورەدا: مووچە و هێرشی ئەلیکترۆنی

بەرنامەی ئەمڕۆی "رۆژی هیوا جەمال" وێنەیەکی روونی دۆخی ئێستای خستەڕوو. لە کاتێکدا مووچەی مانگی تەمووز 40 رۆژە دواکەوتووە و چارەنووسی راپۆرتی لیژنەکەی سوودانی لەسەر داهاتی نانەوتی هێشتا نادیارە، حکومەتی هەرێمی کوردستان لیستی مووچەی مانگی ئاب ئامادە دەکات. ناکۆکییەکە لەسەر چۆنیەتی دابەشکردنی داهاتە نانەوتییەکانە، کە هەرچەندە بڕەکەی لەچاو داهاتی نەوتدا کەمە، بەڵام بووەتە گرێیەکی سیاسیی گەورە و قووتی خەڵکی پێوە بەندە.

بەڵام کێشەکان تەنها دارایی نین. دوای ئەوەی دوێنێ لە بەرنامەکەدا پسپۆڕێکی ئاسایشی ئەلیکترۆنی هۆشداریی دا، ئەمڕۆ سەرۆکی فەرمانگەی تەکنەلۆجیای زانیاریی حکومەتی هەرێمی کوردستان ئاشکرای کرد دامەزراوەکانی هەرێم لەژێر هێرشی بەردەوامی سێ گرووپدان: هەواڵگریی وڵاتان، میلیشیاکانی عێراق، و هەندێک گەنجی کورد. ئەمەش دەریدەخات کە لەپاڵ قەیرانی ئابووریدا، جەنگێکی نهێنی لە جیهانی دیجیتاڵیدا لە ئارادایە.

لە تاران و واشنتنەوە؛ جیهان چۆن دەجووڵێت؟

"رۆژی هیوا جەمال" تەنیا لە چوارچێوەی ناوخۆدا نامێنێتەوە. لە تاران، عەلی خامنەیی، رێبەری باڵای ئێران، هۆشداریی دەداتە کابینە نوێیەکەی پزیشکیان لەبارەی گرانیی بازاڕەوە و داوا لە وڵاتانی ئیسلامی دەکات پەیوەندییەکانیان لەگەڵ ئیسرائیل بپچڕێنن. هاوکات باس لەوە دەکات کە پێویستە ئێران لە دۆخی "نە شەڕ، نە ئاشتی" دەربچێت، کە ئاماژەیە بۆ قۆناخێکی نوێی سیاسەتی ئەو وڵاتە.

لە واشنتنیشەوە، دۆناڵد ترەمپ بە ستایلی تایبەتی خۆی، جیهان دەهەژێنێت. "دوایین ئاگادارکردنەوە" ئاراستەی حەماس دەکات و دەڵێت "نۆرەی ئێوەیە" رێککەوتن قبوڵ بکەن. لە هەمان کاتدا، نیگەرانیی خۆی و هاوژینەکەی، مێلانیا، لەبارەی "جەنگە بێماناکەی" ئۆکرایناوە دەردەبڕێت و بەڵێنی کۆبوونەوەیەکی نزیک لەگەڵ پوتن دەدات.

زیاتر لە هەواڵ: لە بۆشایی ئاسمانەوە تا بۆکان

بەرنامەکە بەمە نەوەستا؛ بینەرانی بردە گەشتێکی خێرا بۆ بۆشایی ئاسمان، کە تێیدا ئاسمانەوانانی چین سەرقاڵی پشکنینی بۆرییەکانی خوێنن لە ژینگەیەکی بێکێشدا. پاشان گەڕایەوە سەر زەوی و هەواڵی بانگەوازێکی ئەدەبیی گرنگی لە شاری بۆکانەوە گواستەوە، کە "ئێوارە شیعری گەڵاڕێزان" ساز دەکات. هەروەها، بە شانازییەوە خەڵاتکردنی دوو پەیامنێری تۆڕی میدیایی رووداوی لە باکووری کوردستان راگەیاند.

ئەمە تەنیا کورتەیەک بوو لەوەی لە یەک کاژێردا روویدا. بۆ بینینی وێنە گەورەکە، تێگەیشتن لە چیرۆکە مرۆییەکان و بینینی گفتوگۆ راستەوخۆکان، پێویستە بینەری "رۆژی هیوا جەمال" بیت. بەرنامەیەک کە نەک تەنها هەواڵت پێدەدات، بەڵکو یارمەتیت دەدات لێی تێبگەیت.
ئەوەش بزانە ئەمڕۆ ساڵێکی تەواو بەسەر رۆژی هیوا جەمال تێدەپەڕێت ساڵی 2024 دروست لەم رۆژەدا 8ی9 یەکەمین بەرنامەی رۆژی هیوا جەمال پێشکێش کرا.


رۆژی هیوا جەمال

شۆیەکی یەک کاژێرییە هەموو بەیانییەک کاژێر 08:00 بەشێوەی زیندوو پێشکێش دەکرێت. تێیدا گفتوگۆی پڕ زانیاری لەگەڵ کەسانێک دەکرێ کە مەرج نییە لەنێو هەواڵەکاندا ناسراوبن، بەڵام مژارەکانیان زۆر گرنگن. هەوڵدەدرێ لە رێگەی چیرۆکە کەسییەکانەوە باشتر و ئاسانتر زانیاری بگەیێندرێتە خەڵک.

لە ماوەی بەرنامەکەدا هەوڵدەدرێ وەرگر بەشی تەواوی رۆژەکە بەرچاوڕوونیی هەبێ سەبارەت بەو شتانەی لە کوردستان و ناوچەکە و جیهانیش روودەدەن. هەموو بەیانییەکیش هیوا جەمال راستی و ناڕاستیی زانیارییەک ئاشکرا دەکات کە لەنێو خەڵک دا بڵاوبوونەتەوە. 

دیوێکی جیاوازی دیکەی ئەم شۆیە، گەنگەشەی پێشکێشکارە لەنێو خەڵک و لەسەر شەقام لەسەر ئەو مژارانەی رای گشتییان بەخۆیەوە سەرقاڵ کردووە. 

ئامانجی شۆیەکە ئەوەیە وەرگری کوردستانی لە هەواڵی ساختە (فەیک نیوز) دووربخاتەوە. وابکات هەمیشە بۆ زانینی ئەوەی بڕیار وایە بەدرێژایی رۆژ و رۆژانی دواتر رووبدات بگەڕێتەوە بۆ (رۆژی هیوا جەمال).