پیتەر گالبرێس: خواستی کورد لە عێراق جیاوازە لە خواستی کورد لە سووریا

 

پیتەر گالبرێس، دیپلۆمات و باڵیۆزی پێشووی ئەمریکا لە کرواتیا لە بەرنامەی رووداوی ئەمڕۆ باس لە دۆخی ناوچەکە و دانوستاندنەکانی ئەمریکا و ئێران و تێڕوانینی ئیدارەی نوێی ئەمریکا بۆ پێشهاتەکان دەکات. ئەو پێیوایە، ئێستا دەرفەتی رێککەوتن لەنێوان واشنتن و تاران زیاترە، چونکە ئێران لە ناوچەکەدا کاریگەریی نەماوە و "تەنیا لە بەشە عەرەبییەکەی عێراق کاریگەریی ماوە لە دەرەوەی سنوورەکانی خۆی".

 

هەروەها بە دیاریکراوی باس لە دۆخی سووریا دەکات و دەڵێت، ئەحمەد شەرع وابەستەی تورکیا نابێت، بەڵام کاریگەریی تورکیا لەسەر سووریا زیاتر دەبێت بەراورد بە وڵاتانی عەرەبی، بەوپێیەی وڵاتە عەرەبییەکانی دراوسێی سووریا وەکو لوبنان و ئوردن و عێراق خۆیان گرفت و کێشەیان هەیە و ناتوانن پێگەیان لە سووریا بەهێزبێت.