فلومینێنسی
رووداو دیجیتاڵ
لە ئەنجامێکی چاوەڕواننەکراودا و دوور لە هەموو پێشبینییەکان، یانەی فلومینێنسی بەرازیلی سەرکەوتنی بەرامبەر یانەی ئینتەرمیلانی ئیتاڵی بەدەستهێنا و گەیشتە قۆناخی هەشتی مۆندیالی یانەکان.
لە درێژەی یارییەکانی قۆناخی شازدەی پاڵەوانێتییەکەدا هەردوو یانە لە چارلۆت رووبەڕووی یەکبوونەوە، دوای 3 خولەک یارییکردن جێرمان کانۆ دەرگای گۆڵکردنی لە بەرژەوەندی یانە بەرازیلییەکە کردەوە و گۆڵی پێشکەوتنی بۆ فلومینێنسی تۆمارکرد.
نیوەی یەکەمی یارییەکە بەو گۆڵە لە بەرژەوەندی بەرازیلییەکان کۆتاییهات.
دوای ئەوە هەردوولا چەند هێرشێکیان بردە سەر گۆڵی یەکدی، بەتایبەت ئینتەرمیلان هەوڵیدەدا ئەنجامە راستبکاتەوە، بەڵام سەرکەوتوو نەبوو.
لە کاتی زیادکراوی یارییەکەدا، هێرکولێس گۆڵی دووەم و یەکلاکردنەوەی یارییەکەی لە بەرژەوەندی یانەی فلومینێنسی تۆمارکرد.
یارییەکە بە دوو گۆڵی بەرامبەر لە بەرژەوەندی فلومینێنسی کۆتاییهات، یانە بەرازیلییەکە گەیشتە قۆناخی هەشتی مۆندیالی یانەکان و ئینتەرمیلان ماڵئاوایی لە پاڵەوانێتییەکە کرد.
لە یاریی داهاتووی مۆندیالی یانەکاندا، یانەی فلومینێنسی بەرازیلی بەرامبەر یانەی هیلالی سعودی یاری دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ