مێسی و سکالۆنی
رووداو دیجیتاڵ
هەڵبژاردەی ئەرجەنتین خۆی بۆ دوایین دوو یاریی پاڵاوتنەکانی گەیشتن بە مۆندیالی 2026 ئامادەدەکات و لیۆنێل مێسی بەشداریی لە راهێنانەکاندا کرد.
هەڵبژاردەکە لە ئێزێیزای بۆینس ئایرێس خۆی بۆ دوو یاریی داهاتووی ئامادەدەکات، لیۆنێل مێسی دوای لەدەستدانی نازناوی جامی خولەکان پەیوەندیی بە مەشقەکانی هەڵبژاردەکەوە کرد و بەشداریی لە مەشقەکانی تیپەکەدا کرد.
ئەرجەنتین بەرەبەیانی رۆژی هەینی کاژێر 02:30 لە یاریگەی خۆیدا لە مۆنومێنتال میوانداریی هەڵبژاردەی ڤێنزوێلا دەکات، ئەوە دوایین یاریی تانگۆ دەبێت لە پاڵاوتنەکانی گەیشتن بە مۆندیالدا لە یاریگەی خۆیدا و دوای چەند رۆژێکیش لەو یارییە بەرەبەیانی رۆژی چوارشەممەی داهاتوو هەڵبژاردەکە دەبێتە میوانی ئیکوادۆر و پاڵاوتنەکانی مۆندیال لە ئەمریکای باشوور کۆتاییدێن.
هەڵبژاردەی ئەرجەنتین سەرکەوتنی بۆ مۆندیالی داهاتوو مسۆگەر کردووە و دەیەوێت لە دوو یاریی داهاتوودا بە دوو بردنەوەی دیکە هاندەرانی دڵخۆش بکات و بە سەرکەوتن کۆتایی بە پاڵاوتنەکانی بهێنێت.
ئەرجەنتین لە 16 یارییدا 11 یاریی بردووەتەوە، لە 2 یارییدا یەکسانبووە و 3 یاریی دۆڕاندووە، هەڵبژاردەکە بە 35 خاڵ لە پلەی یەکەمی ریزبەندی هەڵبژاردەکانی ئەمریکای باشوورە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ