هەڵەیەک روویدا! دووبارە هەوڵبدە
رووداو دیجیتاڵ
ئەمڕۆ یارییە هەرە گرنگ و یەکلاییکەرەوەکەی ئەم وەرزی خولی پۆرتوگالی لەنێوان هەردوو یانە گەورەکەی ئەو وڵاتە، سپۆرتینگ و بێنفیکا بەڕێوەدەچێت.
سپۆرتینگ و بێنفیکا دوو لە گەورەترین یانەکانی تۆپی پێی پۆرتوگالن و لە زۆربەی وەرزەکاندا رکابەری سەرەکین لەسەر نازناوی خولی وڵاتەکەیان.
ئەمڕۆ لە یارییەکی گەورەدا لە لیسبۆن ئەو دوو یانەیە رووبەڕووی یەک دەبنەوە، لەکاتێکدا هەردووکیان هەمان ژمارەی خاڵیان هەیە، 78 خاڵ، و تەنیا دوو یاری لە وەرزەکەدا ماوە.
سپۆرتینگ یاریی یەکەمی ئەم وەرزەی بەئەنجامی 1-0 بردووەتەوە و ئەگەر ئەمڕۆ دووبارە بیبەنەوە دەبنە پاڵەوان، تەنانەت ئەگەر بێنفیکاش دوایین یارییەکەی بباتەوە، چونکە سپۆرتینگ لەڕووی رووبەڕووبوونەوەی نێوانیان باشتر دەبێت.
هۆکارێک کە لە بەرژەوەندی بێنفیکادایە ئەوەیە کە لە یاریگای خۆیدا یاری دەکات. ئەگەر بە دوو گۆڵ یان زیاتر بباتەوە، پێشەنگ وەردەگرێت و نزیکتر دەبێتەوە لە بردنەوەی نازناوەکە.
ئەگەر تەنیا 1-0 بیباتەوە، ئەوا هەردوو تیپەکە هەمان ئەنجامی رووبەڕووبوونەوەیان دەبێت، و جیاوازی گۆڵ بڕیار لە پاڵەوان دەدات لە گەڕی کۆتاییدا، کە تاوەکو ئێستا سپۆرتینگ جیاوازی گۆڵی باشترە لە بێنفیکا.
ئەمە یەکێکە لە گرنگترین دێربییەکان لە چەند ساڵی رابردوودا، کە زۆر لە هاندەران لە پۆرتوگال پشتگیری یەکێک لەم دوو یانەیە دەکەن، و خەڵک لە سەرانسەری وڵات چاودێری دەکەن.
ئەم یارییە وەک یاریی کۆتاییە وایە بۆیان، ئەو تیپەی لەم یارییەدا سەرکەوتن بەدەستبێنێت، دەتوانێت ببێتە پاڵەوانی خولەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ