رووداو دیجیتاڵ
یانەی ئامەدسپۆر بردنەوەیەکی گرنگی تۆمارکرد و لە دەرەوەی یاریگەی خۆی لە یانەی ئیستەنبوڵ سپۆر بردەوە.
لە رکابەرییەکانی گەڕی 30ـی خولی پلە یەکی تورکیا، یانەی ئامەدسپۆر لە دەرەوەی یاریگەی خۆی بەرامبەر ئیستەنبوڵ سپۆر یارییکرد و یارییەکەی بە چوار گۆڵی بێبەرامبەر بردەوە.
لە نیوەی یەکەمدا ئامەدسپۆر بە ئاستێکی بەرزەوە دەرکەوت و لە خولەکی 34 فێلیکس ئافێنا جیان، گۆڵی پێشکەوتنی بۆ یانەکە تۆمارکرد.
دوای تەنیا پێنج خولەک لەو گۆڵە، ئێمبای دیانێ گۆڵی دووەمی بۆ ئامەدسپۆر تۆمارکرد و نیوەی یەکەمی یارییەکە لە بەرژەوەندی ئامەدسپۆر تەواو بوو.
لە سەرەتای نیوەی دووەمدا، مەهمەت یەشل، بۆ جاری سێیەم تۆڕی گۆڵی خاوەن یاریگەی هەژاند و یانەی ئامەدسپۆری زیاتر لە بردنەوەی یارییەکە نزیککردەوە.
لە خولەکی 89 ئێمبای دیانێ، گۆڵی دووەمی خۆی و چوارەمی ئامەدسپۆری تۆمارکرد، یانەکەی باکووری کوردستان بە چوار گۆڵی بێبەرامبەر یارییەکەی بردەوە و سێ خاڵی گرنگی لە دەرەوەی یاریگەی خۆی بەدەستهێنا.
بەبردنەوەی ئەم یارییە، ئامەدسپۆر ژمارەی خاڵەکانی لە پلەی سێیەمی ریزبەندی خولەکە گەیاندە 61 خاڵ و لە رکابەریکردن لەسەر گەیشتن بە سوپەرلیگی وەرزی داهاتوو بەردەوامە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ