رووداو - هەولێر
یانەی پاریس سانجێرمانی فەرەنسی هەنگاوێکی گەورەی بۆ گەیشتن بە قۆناخی هەشتی خولی یانە پاڵەوانەکانی ئەوروپا هاوێشت دوای ئەوەی لە یاری چوونی قۆناخی شازدە بە چوار گۆڵی بێبەرامبەر لە بارسێلۆنای ئیسپانی بردەوە.
لە خولەکی 18 ئانخێل دیماریا بەلێدانی راستەوخۆ گۆڵی یەکەمی پاریسییەکانی تۆمارکرد و بووە دووەم یاریزانی پاریس سانجێرمان لە رۆژی لەدایکبوونی خۆیدا لە خولی یانە پاڵەوانەکانی ئەوروپا گۆڵ تۆماربکات دوای فێرێدریک دێهو.
هدف دي ماريا pic.twitter.com/eRkBp4WXOL
— ChampionsLeagueGoals (@UCLGoalsHD) February 14, 2017
پێشکۆتایی هاتنی گێمی یەکەم بە 5 خولەک یۆلیان دراکسلێر ئەنجامەکەی بۆ پاریس سانجێرمان دوو هێندە لێکرد و گێمی یەکەم بە دوو گۆڵ بۆ پاریسییەکان کۆتاییهات.
هدف دراكسلر pic.twitter.com/qBrxtKRSV6
— ChampionsLeagueGoals (@UCLGoalsHD) February 14, 2017
لە گێمی دووەمدا پاریس سانجێرمان لەسەر ئاستە بەرزەکەی بەردەوامبوو و لە خولەکی 54 ئانخێل دیماریا گۆڵی دووەمی خۆی و سێیەمی یانەکەی تۆمارکرد کە ئەوە سێیەم گۆڵی یاریزانەکە بوو لە دوو یاری رابردوویدا کە بەرامبەر بارسێلۆنا ئەنجامیداوە.
هدف دي ماريا pic.twitter.com/EhMbmyPcnD
— ChampionsLeagueGoals (@UCLGoalsHD) February 14, 2017
دوای 421 خولەک یاریکردن بەرامبەر بارسێلۆنا لە خولەکی 71 ئێدینسۆن کاڤانی یەکەم گۆڵی خۆی لە دژی ئەو یانەیە و چوارەمی لە یارییەکەدا بۆ پاریس سانجێرمان تۆمارکرد و یارییەکەش بەو ئەنجامە لەبەرژەوەندی پی ئێس جی کۆتاییهات و یانەکە تاوەکو رادەیەکی زۆر لە گەیشتن بە قۆناخی داهاتووی خولەکە نزیکبوویەوە.
هدف كافاني pic.twitter.com/tAd6oB1ShW
— ChampionsLeagueGoals (@UCLGoalsHD) February 14, 2017
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ