ڤیدیۆ؛ مەکسیک بردییەوە و گەیشتە قۆناخی هەشتی کۆنکاکاف

رووداو - هەولێر 

هەڵبژاردەی مەکسیک دووەم سەرکەوتنی لە قۆناخی کۆمەڵەکاندا لە جامی زێڕیندا بەدەستهێنا بەیەکەمی کۆمەڵەی سێیەم گەیشتە قۆناخی هەشتی پاڵەوانێتییەکە.

مەکسیک لە گەڕی سێیەمی پاڵەوانێتییەکەدا رووبەڕووی هەڵبژاردەی کوراساو بووەوە و یارییەکەی بە دوو گۆڵی بێبەرامبەر لێبردەوە، سەرەتا لە خولەکی 22 ئانخێل سیپولڤێدا گۆڵی یەکەمی هەڵبژاردەکەی تۆمارکرد، لە خولەکی 90 ئادسۆن ئەلڤارێز گۆڵی دووەمیشی بۆ هەڵبژاردەکە تۆمارکرد و مەکسیک بە کۆکردنەوەی 7 خاڵ وەک یەکەمی کۆمەڵەی سێیەم گەیشتە قۆناخی هەشتی پاڵەوانێتییەکە.


 

لە یارییەکی دیکەدا هەردوو هەڵبژاردەی جامایکا و سالڤادۆر بەگۆڵێک یەکسانبوون و هەردوو هەڵبژاردە گەیشتنە قۆناخی داهاتوو.

گۆڵەکەی سالڤادۆر لە خولەکی 15 لەلایەن نێلسۆن بۆنیلا تۆمارکرا و گۆڵەکەی جامایکاش دارین ماتوکس لە خولەکی 64 تۆماریکرد.

جامایکا وەک دووەمی کۆمەڵەکە بە 5 خاڵ و سالڤادۆریش وەک سێیەم بە 4 خاڵ گەیشتنە قۆناخی هەشتی جامی زێڕین.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger