هەڵەیەک روویدا! دووبارە هەوڵبدە
ۆڵڤەرهامتۆن بووە پاڵەوانی پرێمەرلیگی ئاسیای، دوای ئەوەی بە لێدانی یەکلاکەرەوە بەسەر مانچێستەر سیتی سەرکەوت.
یانەی ۆڵڤەرهامتۆن لە شانگەهای، توانی نازناوی خولی ئینگلیزیی ئاسیایی دۆستانە بەدەست بهێنیت، دوای ئەوەی بە لێدانی یەکلاکەوە ئەنجامەکەی لەبەرژەوەندیی خۆی یەکلایکردەوە.
ماوەی 90 خولەکی یارییەکە هیچ لایەک نەتوانی گۆڵ تۆمار بکات.
لە گێمی یەکەم مان سیتی باڵادەستیی بەسەر کەشی یارییەکەدا سەپاند، لیرۆی سانێ توانی، لێدانێکی سزا بۆ یانەی سیتی بەدەست بهێنێت، بەڵام رەحم ستێرلینگ لە جێبەجێکردنی لێدانە سزاکە نەتوانی گۆڵ تۆمار بکات، هەر بۆیە ئەنجامی گێمی یەکەم بەبێ تۆمارکردنی گۆڵ کۆتایی هات.
لە گێمی دووەم دوای ئەوەی راهێنەری هەردوو یانە بەردەوام بوون لە گۆڕانکاریی لە پێکهاتەکەیان، ئەمەش بووە هۆی پاشەکشێی ئاستی هەردوو یانە و کەمترین هەلی راستەقینەی تۆمارکردنی گۆڵ لەلایەن یاریزانانی هەردوو تیپەوە چوێنرا، هەر بۆیە ئاڕاستەی یارییەکە بەروە لێدانی یەکلاکەرەوە چوو.
یانەی مانچێستەر سیتی 3 لێدانی یەکلاکەوەی فەوتاند، کاتێک یاریزانان گۆندۆگان، داڤید سیلڤاو نیمیچیا نەیانتوانی گۆڵ تۆمار بکەن.
لەم پاڵەوانێتییەدا چوار یانەی ئینگلیزیی تێیدا لە وڵاتی چین بەشدارییان کرد، لە قۆناخی یەکەم مانچێستەر سیتی بە ئەنجامی 4-1 بەسەر وێستهام سەرکەوت، هەروەها ۆڵڤەرهامتۆنیش بە ئەنجامی 4-0 بەسەر پشتی نیوکاسڵ خۆی گەیاندە یاریی کۆتایی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ