جەنگاوەرەکەی ئیتاڵیا چووە خولی ئەرجەنتین

رووداو - هەولێر

دانیێلی دی رۆسی یاریزانی یانەی رۆما گەیشتە ئەرجەنتین بۆ پەیوەندیکردن بە یەکێک لە یانە مێژووییەکانی خولی ئەرجەنتین.

دی رۆسی لەگەڵ کۆتاییهاتنی وەرزی رابردوو رایگەیاند، ریزەکانی یانەی رۆما بەجێدەهێڵێت، ئەمڕۆ ئەو یاریزانە گەیشتە ئەرجەنتین بۆ پەیوەندیکردن بە یانەی بۆکا جۆنیۆرزی ئەو وڵاتە.

ئێستا دی رۆسی لە بارەگای ئەو یانەیە و لەلایەن هاندەرانی ئەو یانەیە پێشوازییەکی گەرمی لێکراوە، دوای ئەنجامدانی پشکنینی پزیشکیش بە فەرمی بە مێدیاکان وەکو یاریزانی یانەی بۆکاجۆنیۆرز دەناسێنرێت.

دانیێلی ئەمڕۆ بووە 37 ساڵ و پێشتر تەنیا لە رۆما و بۆ ماوەی 18 ساڵ لە ریزەکانی گورگەکان یاریکردووە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger