رووداو دیجیتاڵ
دۆناڵد ترەمپ لە هەژماری خۆی لە تۆڕی کۆمەڵایەتیی (Truth Social) پەیامێکی بڵاوکردەوە و رایگەیاند: "هێزەکانیان هێرشکارەکانیان بە تەواوی تێکشکاندووە و ژمارەیەکی زۆر لەو بەلەمە بچووکانەی کە ئێران وەک جێگرەوەی هێزە دەریاییە "سەر بڕاوەکەی" بەکاریان دەهێنێت، نوقمی دەریا کراون.
ترەمپ لەبارەی وردەکاریی پێکدادانەکە نووسیویەتی: "مووشەک ئاراستەی کەشتییە تێکشکێنەرەکانمان کرا و ئەوان بە ئاسانی تێکشکێندران. بە هەمان شێوە درۆنەکان هاتن و لە ئاسماندا سووتێنران؛ ئەوان زۆر بە جوانی کەوتنە ناو زەریاوە، رێک وەک ئەوەی پەپوولەیەک بەرەو گۆڕ بڕوات."
ترەمپ بۆ ئێران: لە داهاتوودا زۆر بەهێزتر لێتان دەدەین
سەرۆکی ئەمریکا رەخنەی تووندی لە سەرکردایەتیی ئێران گرت و گوتی: "وڵاتێکی ئاسایی رێگەی بەم کەشتییانە دەدا دەرباز بن، بەڵام ئێران وڵاتێکی ئاسایی نییە. ئەوان لە لایەن کۆمەڵێک 'شێت'ـەوە سەرکردایەتی دەکرێن و ئەگەر دەرفەتیان هەبێت چەکی ئەتۆمی بەکاردەهێنن، بەڵام هەرگیز ئەو دەرفەتەیان بۆ ناڕەخسێت."
لە پەیامەکەیدا، ترەمپ هەڕەشەی لە تاران کرد و گوتی: "وەک چۆن ئەمڕۆ تێکمان شکاندن، لە داهاتوودا زۆر بەهێزتر و بە تووندتر لێیان دەدەین ئەگەر بە خێرایی رێککەوتن واژۆ نەکەن." راشیگەیاند کە ئەو سێ کەشتییە ئێستا دەگەڕێنەوە بۆ ناو گەمارۆ دەریاییەکەی ئەمریکا کە بە "دیواری پۆڵایین" وەسفی کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ