دیمەنێکی نێو ئەشکەوتەکە
رووداو دیجیتاڵ
چەند خێزانێک لەنێو ئەشکەوتی کۆما لە وڵاتی لیسۆسۆی باشووری ئەفریقا دەژین و دەڵێن، یەک سات مانەوە لەنێو ئەم ئەشکەوتە بە هەموو ژیانی شار ناگۆڕنەوە. ئەوان بە کشتوکاڵ و ئاژەڵداری بژێویی ژیانیان دابین دەکەن.
تۆبۆ مارابی، دانیشتووی ئەشکەوتی کۆما دەڵێت، "ئێمە لێرە دەمێنینەوە تاوەکو پارێزگاری لە کولتوورمان بکەین وەکو خەڵکی لیسۆسۆ؛ هەروەها بۆ ئەوەیە کە باوک و باپیرانمان لەبیر نەکەین."
ئەو چەند خێزانە هەموو شتێکیان سرووشتییە. رایەخەکەشیان پێستەی ئاژەڵە. خۆراکیش بە ئاگری دار ئامادە دەکەن، بەڵام ئەوێ پزیشکی لێ نییە، ئەگەر یەکێکیان نەخۆشییەکی هەبێت و لای خۆیان چارەسەری نەبێت، دەیدەن بە کۆڵیاندا و دەیگوازنەوە بۆ نەخۆشخانە.
ماماتساسێنگ خوتسۆانی، دانیشتووی ئەشکەوتی کۆما باس لەوە دەکات، "براکەم، ئەم شوێنە لەلایەن خوداوە دروستکراوە. یەکێک لە کێشەکانمان رێگەکەیە، چونکە زۆر سەختە، بە تایبەت کاتێک باران دەبارێت و رێگەکە قوڕاوی دەبێت."
سەدەی نۆزدەیەم ئەم ناوچەیە بووە جێگەی مانەوەی باوک و باپیرانی ئەو خێزانانە، چونکە شەڕ و وشکەساڵی لە شوێنەکانی خۆیان تەنگی پێهەڵچنیبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ