رووداو دیجیتاڵ
دوای دوو ساڵ دابڕان بەهۆی کۆرۆناوە، سەماکردن بە میوزیکی DJ گەڕایەوە دوورگەی ئیبیزای ئیسپانیا، هەزاران گەشتیار روویان لە دوورگەکە کردووە و کچان و کوڕان بۆ سەماکردن و بەسەربردنی کات تێکەڵ بوون.
سارا بۆریگۆ، گەشتیار دەڵێت، "هەست بە خۆشی دەکەین؛ قەدەخەی هاتووچۆ نەماوە و پێویست بە بەستنی دەمامک ناکات؛ هەست بە ئازادی دەکەین."
دوورگەی ئیبیزا بەوە نێوبانگی دەرکردووە، دەوڵەمەندان لە سەرتاسەری جیهانەوە بۆ پشووی هاوین رووی تێدەکەن. 20 هەزار کارگوزار لە یانە و رێستۆرانت و هۆتێل و ناوچە گەشتیارییەکانی دیکەی دوورگەکە کار دەکەن.
میشیل، گەشتیار پێیوایە، "ئەم یانەیە شێتانەیە، زۆر جەنجاڵە، وەکو بڵێی کۆرۆنا هەرگیز لێرە بڵاونەبووەتەوە."
ئیبیزا دوورگەیەکی گەشتیاریی ئیسپانیایە و لە کەنار دەریای نێوەڕاست هەڵکەوتووە؛ ژمارەی دانیشتووانی 152 هەزار کەسە؛ 84%ی کۆی داهاتی نێوخۆیی دوورگەکە پشت بە گەشتیاری دەبەستێت؛ ساڵی رابردوو سەرەڕای نەمانی خزمەتگوزارییەکانی، سەرنجی 1.9 ملیۆن گەشتیاری بۆ خۆی راکێشا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ