رووداو دیجیتاڵ
دوو برا لەسەر وەرگرتنی دیاریی کریسمس دەبێتە کێشەیان و یەکێکیان خوشکەکەی دەکوژێت. پۆلیس دەڵێت، "بکوژەکە تەمەنی 14 ساڵە و دەستگیرکراوە، بە تاوانی کوشتن دادگەیی دەکرێت."
رۆژی چوارشەممە، 27-12-2023، پۆلیسی شارۆچکەی پینێلاس لە ویلایەتی فلۆریدای ئەمریکا رایگەیاند کوڕێکی هەرزەکار بە دەمانچە، خوشکی خۆی کوشت و بکوژەکەش لەلایەن برایەوە بریندارکرا. کێشەکە لەسەر ئەوە بووە کام لەو دوو برایە، دیاری زیاتری کریسمس وەردەگرن.
بەگوێرەی پۆلیس، "کوژراوەکە تەمەنی 23 ساڵە و دایکی دوو منداڵە. یەکێک لە منداڵەکان تەمەنی 10 مانگە و لەکاتی تەقەکردنەکە لەلای دایکی بووە لەنێو عەرەبانەیەک، بەڵام هیچ زیانێکی بەرنەکەوتووە."
هەر بەپێی پۆلیسی ئەو ناوچەیە، "بکوژەکە کوڕێکی تەمەن 14 ساڵە و دوای ئەوەی تەقە لە خوشکەکەی کردووە، برایە گەورەکەی کە تەمەنی 15 ساڵە بە دەمانچەی خۆی تەقەی لێکردووە و برینداری کردووە و رایکردووە، بکوژەکە لەلایەن پۆلیسەوە دەستگیرکراوە."
بۆب گوالتێری، بەڕێوەبەری پۆلیسی پینێلاس لە کۆنفرانسێکی رۆژنامەڤانیدا رایگەیاند، تەندروستیی بکوژەکە جێگیرە و هەرکاتێک لە نەخۆشخانە هاتە درەوە، دەستبەسەر دەکرێت و بە تاوانی کوشتن دادگایی دەکرێت. برایە گەورەکەش دواتر لەلایەن پۆلیسەوە دەستگیرکرا و بە تاوانی هەوڵدان بۆ کوشتن، دادگەیی دەکرێت.
لەبارەی ژنەکەشەوە، داواکاری گشتیی ناوچەکە رایگەیاندووە، بەهۆی تووشبوونی بە خوێنبەربوونی ناوەکی و کێشەی هەناسەنەدانەوە، گیانی لەدەستداوە.
بەپێی راپۆرتێکی نووسینگەی لێکۆڵینەوەی فیدراڵی (FBI) ویلایەتی فلۆریدا لە ریزبەندیی 25 دێت لەسەر 50 ویلایەتەکەی ئەمریکا لەرووی ژمارەی تاوانەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ