Hewlêr (Rûdaw) - Li bazara Stenbolê bihayê lîreyê Tirkî li hemberî pereyên biyanî daket û dolarekî Amerîkî bi 40 lîreyan tê firotin.
Li gel bipêşveçûnên siyasî yên li Tirkiye û cîhanê û nearamiya bazara cîhanê daketina bihayê lîreyê Tirkî jî berdewam dike.
Îro li bazara Stenbolê dolarekî Amerîkî gihîşt 40 lîreyan ku doh bi 39,9 lîreyan bû û euro jî bi 46,98 lîreyên Tirkî tê firotin.
Herî dawî 19ê Adarê dema Serokê Şaredariya Bajarê Mezin a Stenbolê Ekrem Îmamoglu hatibû desteserkirin, dolarekî Amerîkî derketibû 41,64 lîreyan lê piştre dîsa daketibû asta 39,50 lîreyan.
Her wiha Bankaya Navendî ya Tirkiyeyê meha borî biryara xwe ya faîzê neguherand û faîz di rêjeya ji sedî 46 de hişt.
Hat ragihandin ku Bankaya Navendî dê 24ê vê mehê biryara xwe ya nû ya li ser faîzê eşkere bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse