Hewlêr (Rûdaw) - Li gorî amarên Banka Navendî ya Tirkiyeyê, deynê krediyên welatiyan ên ku bankan dane kompanyayên taybet gihiştiye 79 milyar lîreyan ku dike 2 milyar dolar.
Li gorî Rapora Seqamgiriya Fînansê ya Banka Navendî ya Tirkiyeyê, bankên ku nekariye deynê krediyan ên 2 milyon û 76 hezar kesan wergirin ev deyn firotine “kompanyayên biêvebiriya hebûnê.”
Deynê welatiyan ên krediyên bankan ên ku nikarin bidin di 3 mehên destpêkê yên sala 2025an de ji 62 milyar lîreyan derketiye 79 milyar lîreyan ku dike 2 milyar dolaran.
Kompanyayên taybet deynê welatiyan ên ku nayên dayîn bi bihayekî kêmtir ji bankan dikirin û li gel deyndaran dem û plana deynan ji nû ve rêk dixin.
Li gorî amarên herî dawî ku Lijneya Sererastkirin û Pişkînînê ya Bankan (BDDK) eşkere kirine, rêjeya deynê welatiyan ên ku bankan derbarê wan şopandina yasayî daye destpêkirin di saleke dawî de ji sedî 93 zêde bûye û gihiştiye 407 milyar û 376 milyon lîreyan ku zêdeyî 10 milyar dolaran dike.
Piraniya van deynan ên kesan in û deynê krediyên bikaranînê û kartên krediyan ên di bin şopandinê de gihiştiye 172 milyar û 96 milyon lîreyan ku dike zêdeyî 4 milyar dolaran.
Deynê kesan di salekê de ji sedî 166,7 zêde bûye.
Pisporên aboriyê hişyariyê didin û dibêjin, zêdebûna deynên di bin şopandina yasayî de ji bo rewşa aborî ya endamên malbatan û sîstema bankan pirsgirêkên mezin li xwe dihewînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse