Li Dîlokê 3 barhilgir şewitîn, rêya Dîlok-Rihayê hat girtin

Hewlêr (Rûdaw) - Li ser Rêya Bilez a Tarsûs-Edena-Dîlokê (TAG), li nêzîkî Gişeyên Rojavayê Dîlokê qezayeke zincîrî çêbû.

Hat diyarkirin ku 3 barhilgirên ku barê wan dexl bû li hev xistiye.

Piştî qezayê agir bi her sêyan ket.

Li ser agahdarkirinê gelek tîmên agirvemirandinê, tîmên tenduristiyê û cendirme çûn cihê bûyerê.

Ji ber qezayê aliyê rêya Dîlok-Rihayê ji trafîkê re hat girtin.

Xebata tîman a ji bo vemirandina êgir didome.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger