Nêçîrvan Barzanî û Balyozê Venezuelayê civiyan

Hewlêr (Rûdaw) - Serokê Herêma Kurdistanê Nêçîrvan Barzanî bi Balyozê Venezuelayê yê Îraqê Arturo Aníbal Gallegos Ramírez re civiya.

Serokatiya Herêma Kurdistanê da zanîn ku rûdanên dawî yên li herêmê û encamên wan hatine gotûbêjkirin.

Li gorî daxuyaniyê, her du aliyan di hevdîtinê de nêrînên xwe yên derbarê derfetên berfirehkirina pêwendiyên Venezuelayê yên li gel Îraq û Herêma Kurdistanê anîne zimên.

Her wiha rewşa giştî ya Îraq û Herêma Kurdistanê, rûdanên dawî yên li herêmê û encamên wan jî hatine nirxandin.

Nêçîrvan Barzanî û Balyozê Venezuelayê diyar kiriye ku parastina aramiya li herêmê girîng e û divê pirsgirêk û nakokî bi rêyên aştiyane bên çareserkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger