Hewlêr (Rûdaw) - Birêvebirê nahiyeya Balîsanê ya Hewlêrê ragihand ku birûskê li 6 Pêşmergeyan daye û rewşa yekî giran e.
Berdevkê Tenduristiyê ya Raperînê jî got, " Pêşmergeyeyek ji ber giraniya birîna xwe birin Nexweşxaneya Silêmaniyê."
Birêvebirê nahiyeya Balîsanê ya parêzgeha Hewlêrê Şaxewan Sikanî ji Tora Medyayî ya Rûdawê re ragihand:
"Li Geliyê Balîsanê birûskê li 6 Pêşmergeyan da lê rewşa wan baş e û birînên wan ne giran in."
Şaxewan Sikanî da zanîn ku beşek ji wan dê îşev vegerin ser erkên xwe.
Berdevkê Tenduristiyê ya Raperînê Taha Mihemed jî ji Rûdawê re ragihand:
"12 Pêşmerge li Geliyê Balîsanê dema ku li ser erkê xwe bûn, nêzîkî demjimêr 19:00an birûskê li wan da.
Rewşa 5an baş e û li Beşa Hawarhatinê ya Ranyeyê ne.
Yek jî ji ber giraniya birîna xwe birin Silêmaniyê."
Di encama baran, lehî û bandorên wan de li navçeya Çemçemalê ya Silêmaniyê 2 kes û li Kerkûkê jî kesekî canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse