Hewlêr (Rûdaw) - Hêzên Asayîşa Rojavayê Kurdistanê rê li ber hewldana reva 18 jin û zarokên DAIŞê ya ji Kampa Holê girt.
Li Kampa Holê ya li parêzgeha Hisîçayê ya Rojavayê Kurdistanê ku wekî yek ji kampên herî metirsîdar ên cîhanê tê naskirin, hewldaneke din a revê hat pûçkirin.
Hêzên Asayîşê şeva borî rê li ber komeke jin û zarokên çekdarên DAIŞê girt ku hewl didan ji kampê birevin.
Hevseroka Kampa Holê Cîhan Henan ji Rûdawê re piştrast kir ku hêzên ewlehiyê karîne wê hewldanê kontrol bikin.
"Welatiyên Rûsya û Tirkistanê ne"
Cîhan Henan derbarê nasnameya kesên ku hewl dane birevin de zanyarî dan û got:
"Ew 18 jin û zarokên DAIŞê ku xwestine birevin welatiyên Rûsya û Tirkistanê ne."
"Şeva borî hewl dane birevin"
Li gorî daxuyaniya Hevseroka Kampa Holê, bûyer şeva borî rû daye.
Cîhan Henan diyar kir, "Wan jin û zarokên DAIŞê şeva borî hewl da ji kampê birevin lê hêzên me rê li ber wan girt."
Kampa Holê nêzîkî 45 kîlometreyan dikeve rojhilatê bajarê Hisîçayê.
Li kampê bi hezaran malbatên çekdarên DAIŞê dimînin ku piraniya wan jin û zarok in û ji welatên cuda ne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse