Hewlêr (Rûdaw) - Li parêzgeha Erdexanê ya Bakurê Kurdistanê, li ser rêya Tirkgozî-Posof-Damalê ji ber berf û bagerê destûr nayê dayîn ku barhilgirên bêzincîr derbas bibin.
Çend roj in li cihên bilind ên parêzgeha Erdexanê berf û bager bandora xwe didomîne.
Vê yekê çûn û hatin li herêmê asteng kiriye.
Hat ragihandin ku ji ber şert û mercên nebaş ên hewayê, devera Ilgarê ya li ser rêya Turkgozu-Posof-Damalê ji bo derbasbûna barhilgirên bêzincîr hat girtin.
Ev rê ber bi Deriyê Gumrukê yê Turkgozuyê ve diçe.
Her wiha tîmên erkdar li ser rêyên ku berf û bager lê bi bandor e, xebatên paqijkirina berfê dane destpêkirin.
Tîm hewl didin ku rêyan ji bo çûn û hatinê vekin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse