Nêçîrvan Barzanî û Îlham Aliyev li Munîhê civiyan

Hewlêr (Rûdaw) – Serokê Herêma Kurdistanê Nêçîrvan Barzanî di çarçoveya Konferansa Ewlehiyê ya Munîhê de bi Serokê Azerbeycanê Îlham Aliyev re civiya.

Nêçîrvan Barzanî û Îlham Aliyev ji bo xurtkirina pêwendiyên dualî û vekirina konsulxaneyê, li Munîhê civiyan.

Li gorî Serokatiya Herêma Kurdistanê, di civînê de pêwendiyên Azerbeycanê yên bi Îraq û Herêma Kurdistanê re û derfetên bipêşvebirina hevkariya dualî di warên cuda de hatin gotûbêjkirin.

Her du aliyan teqezî li ser girîngiya bihêzkirina pêwendiyên aborî û çandî û berfirehkirina hevkariyê kir.

Serokatiya Herêma Kurdistanê her wiha got:

"Di heman hevdîtinê de, li gel pirsa vekirina konsulxaneya Azerbeycanê ya li Herêma Kurdistanê, derbarê rewşa siyasî ya herêmê û çend mijarên girîng ên hevbeş de dan û standin hat kirin."

Serok Nêçîrvan Barzanî li ser hesabê xwe yê Xê derbarê hevdîtinê de wiha nivîsî:

"Gelek kêfxweş im ku li Munîhê bi Serok Îlham Aliyev re civiyam.

Me li ser warên potansiyel ên hevkariyê yên di navbera Îraq, Herêma Kurdistanê û Azerbeycanê de û li ser mijarên din gotûbêj pêk anîn."

#WÊNE - Serokê Herêma Kurdistanê Nêçîrvan Barzanî li Konferansa Ewlehiyê ya Munîhê bi Serokkomarê Azerbeycanê Îllham Alîyev re civiya

📸Serokatiya Herêma Kurdistanê#MSC2026 pic.twitter.com/RWguqbuDpy

— RudawKurdi (@RudawKurdi) February 13, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger