Hewlêr (Rûdaw) - Li parêzgeha Amedê ya Bakurê Kurdistanê di pevçûna xinamiyan de zava û pismamekî xwe hatin kuştin.
Bûyer derengiya şeva borî di apartmaneke li ser Cadeya Azîz Mahmudogullariyê ya Amedê de çêbû.
Li gorî zanyariyan di navbera Muhammed Alî Baranê 29 salî û hevjîna wî E.Byê de ji ber sedemeke ku heta niha nayê zanîn nîqaş derket.
Piştî demekê endamên malbatên her du aliyan tevlî nîqaşê bûn û pev çûn.
Di pevçûnê de çek jî hatin bikaranîn û Muhammed Alî Baran li gel pismamekî xwe yê bi navê Vedat Baran (39) hatin kuştin.
Li ser agahdarkirinê polîs û tîmên tenduristiyê çûn cihê bûyerê û termên her du kesan birin nexweşxaneyê.
Hat ragihandin ku hevjîna Muhammed Alî Baran, E.B, xesûya wî R.Ş û bûrayê wî A.Ş. yên ku reviyabûn hatine desteserkirin.
Xebatên hêzên ewlehiyê ji bo desteserkirina gumanbarekî din berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse