Hewlêr (Rûdaw) - Li parêzgeha Îlamê ya Rojhilatê Kurdistanê di qezayeke trafîkê de 4 kes mirin û 4 kes jî birîndar bûn.
Qeza li ser rêya di navbera Mêran û Dêlranê de li parêzgeha Îlamê ya Rojhilatê Kurdistanê rû da.
Birêvebirê Pêwendiyan ê Beşa Hawarçûnê ya Nexweşxaneya Îlamê Muhsîn Weysî ragihand:
“Bûyer ji ber lihevketina du otomobîlan çêbûye.
Di bûyerê de 4 kesan canê xwe ji dest daye û 4 kes jî birîndar bûne.”
Muhsîn Weysî diyar kir ku di nava kesên ku mirine de dayîkek û zaroka wê ya du salî jî hebûn.
Tîman cenazeyên qurbaniyan birin Tiba Dadî û birîndar jî birin nexweşxaneyê.
Muhsîn Weysî anî ziman, “Rewşa tenduristiyê ya her çar birîndaran giran e û li di bin çavdêriya hûr de ne.”
Li gorî Tiba Dadî ya Îranê ji 21ê Adara 2024an heta 21ê Adara 2025an, li Îran û Rojhilatê Kurdistanê 20 hezar û 45 kes di qezayên trafîkê de mirine.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse