Kurdistan
Nêçîrvan Barzanî şandeyeke Asûriyan a Amerîkayê re civiya / Wêne: Serokatiya Herêma Kurdistanê
Hewlêr (Rûdaw) - Serokê Herêma Kurdistanê şandeyeke Asûriyan a Amerîkayê pêşwazî kir.
Nêçîrvan Barzanî tekezî li ser siyaset û helwesta neguher a Herêma Kurdistanê ya parastina pêkhateyan û çanda bihevrejiyanê kir.
Serokê Herêma Kurdistanê Nêçîrvan Barzanî bi şandeya Weqfa Asûriyan a ji bo Dadperweriyê ya bi serokatiya Sam Dermo re civiya.
Şande ji hejmarek kesayetiyên diyar ên civaka Asûriyan a Îraq û Herêma Kurdistanê yên li Amerîkayê pêk dihat.
Serokatiya Herêma Kurdistanê ragihand ku di hevdîtinê de rewşa Asûriyan û pêkhateyan li Îraq û Herêma Kurdistanê hat gotûbêjkirin û derbarê rol, pêgeh, amadebûn, niha û paşeroja Asûriyan û pêkhateyan li Herêma Kurdistanê gotûbêj hat kirin.
Nêçîrvan Barzanî serdana şandeyê ya ji bo Herêma Kurdistanê wekî girîng û pêwîst ji bo karê hevbeş bi nav kir û tekezî li ser siyaset û helwesta neguher a Herêma Kurdistanê ya parastina pêkhateyan kir.
Barzanî her wiha pesnê rol û hevbeşiya Asûriyan û pêkhateyan a di hemû warên jiyanê de da.
#VÎDEO - Serokê Herêma Kurdistanê Nêçîrvan #Barzanî li Hewlêrê bi şandeyeke Asûriyan a Amerîkayê re civiya pic.twitter.com/LaRV6vjdop
— RudawKurdi (@RudawKurdi) September 14, 2025
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse