Hewlêr (Rûdaw) - Li navçeya Misircê ya Sêrta Bakurê Kurdistanê di encama wergerîna otomobîleke tîcarî de 9 kes birîndar bûn ku 4 ji wan zarok in.
Otomobîla tîcarî ya bi plakeya 56 AAZ 488 a ku A.Y.T. diajot, li ser rêya Misirc-Êlihê li nêzîkî gundê Saertayê wergeriya.
Di qezayê de ajokar û 8 kesên din ên di otomobîlê de birîndar bûn ku 4 ji wan zarok in.
Li ser agahdarkirinê tîmên tenduristiyê û cendirme çûn cihê bûyerê.
Birîndar bi ambûlansan sewqî Nexweşxaneya Dewletê ya Misircê hatin kirin.
3 birîndarên ku rewşa wan giran bû, piştî midaxeleya destpêkê veguhastin Nexweşxaneya Perwerde û Lêkolînê ya Sêrtê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse