Cotkarekî Sêrtî / Wêne: AA
Hewlêr (Rûdaw) – Baxevanên fistiqan li parêzgeha Sêrtê ya Bakurê Kurdistanê ji ber barîna baranê li benda berhemeke baş a îsal in.
Serokê Yekîtiya Hilberînerên Fistiqan a Sêrtê Şuayîp Aslan got:
"Îsal baraneke pir baş bariya. Barana herî baş a 20 salên dawî bû.
Darên fistiqan têr av bûn. Em hêvî dikin ku ji niha û pê ve jî wisa be û eger karesatên xwezayî rû nedin, dê saleke me ya baş hebe."
Li Tirkiye û Bakurê Kurdistanê 87 milyon û 100 hezar darên fistiqan hene.
Berhema par 383 hezar ton bû ku bi qasî 178 milyon û 203 hezar dolarî hat hinardekirin.
Cotkar Şaban Kaçar anî ziman:
"Gelekî şikir, îsal berhem heye. Ev meh ji bo kesaxê girîng in.
Par hişkesalî bû. Hinek darên fistiqan hişk bûn û şewitîn lê îsal hewa gelekî bi baran e.
Barîna baranê ji bo hemû daran bi sûd e."
Bakurê Kurdistanê ji aliyê fistiqan ve gelekî dewlemend e.
Riha û Dîlok ji sedî 70yê berhema fistiqan a giştî ya Tirkiyeyê pêk tînin.
Li Sêrtê jî 14 hezar cotkaran li ser rûberê 400 hezar donim zevî, xwediyê zêdetirî milyonek darên fistiqan in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse