Hewlêr (Rûdaw) - Li parêzgeha Semsûrê ya Bakurê Kurdistanê otomobîlek wergeriya û 4 kes bi giranî birîndar bûn.
Qeza şeva borî li ser rêya Semsûr-Rihayê, li nêzîkî gundê Battalhoyukê qewimî.
Otomobîla bi reqema 80 ACY 407 ji kontrola şofêr derket û wergeriya.
Li ser agahdarkirinê tîmên tenduristiyê, tîmên parastina sivîlan û AFAD çûn cihê bûyerê.
Şofêr û 3 kesên ku di otomobîlê de asê mabûn ji aliyê tîman ve hatin derxistin.
Tîman birîndar birin nexweşxaneyên bajêr.
Hat zanîn ku rewşa tenduristiyê ya birîndaran giran e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse