Wesayîtên Koalîsyonê / Wêne: Ji dîmenan hatiye girtin
Hewlêr (Rûdaw) - Karwanekî nû yê hêzên "Hevpeymaniya Navdewletî" ku ji 26 kamyon û tanakeran pêk hatiye derbasî Binkeya Qesrekê li bakurrojavayê bajarê Hisîçayê yê Rojavayê Kurdistanê bû.
Rewangeha Sûriyeyê ya Mafên Mirov ragihand, karwanekî nû yê hêzên Koalîsyona Navneteweyî ku ji 26 barhilgir û tanakeran pêk dihat derbasî Bargeha Qesrikê ya li Hisîçayê bû.
Li gorî heman çavkaniyê, Hevpeymaniya Navneteweyî di çarçoveya şandina alîkariyên leşkerî û lojîstîkî de ji bo qayîmkirina baregehên xwe yên li Rojavayê Kurdistanê didomîne.
17ê Tebaxê jî balafireke barhilgir a leşkerî ya hêzên Koalîsyona Navdewletî li baregeha leşkerî ya Şedadê li gundewarê başûrê Hisîçayê daketibû û barên leşkerî û lojîstîkî ji bo bihêzkirina baregehê vala kiribûn.
Hêzên Koalîsyonê piştî vekişînê cara yekem derketibûn dewriyeyê
Dewriyeyeke leşkerî ya Koalîsyona Navneteweyî ku ji 5 wesayîtan pêk dihat, li gundewarê bakurê Dêrezorê li herêma di navbera bajarokê El-Izbeh û Kargeha Gazê ya Konîkoyê de geriyabûn.
Di heman demê de helîkopteran jî li esmanê herêmê firînên xwe domandibûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse