Hevserokê berê yê şaredariya Şirnexê hat desteserkirin

Hewlêr (Rûdaw) - Hevserokê berê yê şaredariya Şirnexê yê HDPê bi tometa terorê hat desteserkirin.

Hevserokê berê yê Şaredariya Şirnexê yê Partiya Demokratîk a Gelan (HDP) Serhat Kadirhan di çarçoveya lêkolîneke ku derbarê wî de hatibû destpêkirin doh 20ê Tebaxa 2021ê di operasyoneke hêzên ewlekariyê de li Amedê hat desteserkirin.

Li gor medya Tirkiyê, berî 10 meh dibe bi tohmetên “endamtiya PKKê, hewldan bo têkdana yekitiya welat û bikaranîna xirab a postê xwe” biryara desteserkirina Serhat Kadirhan hatiye dayîn û piştî destserkirinê bo navenda ewlekariyê hatiye veguhastin.

Li gor zanyariyan li mala ku hevserokê berê yê Şaredariya Şirnexê lê hatiye desteserkirin, hêzên ewlekariyê dest danîne ser 7 sîmkart, komputerek û çendîn kelûpelên din ên dijîtal.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger