Hewlêr (Rûdaw) - Navenda Ragihandin û Çapemeniyê ya Hêzên Parastina Gel (HPG) nasnameya 5 gerîlayan eşkere kir.
HPGyê ragihand ku her 5 gerîlayan sala 2020î li herêmên cuda yên Herêma Kurdistanê di demên cuda de û li cihên cuda canê xwe ji dest daye.
HPGyê di daxuyaniya xwe de got, "Em hevrêyên xwe Hebûn Mîrkan, Bêrîtan Alan, Axîn Xabûr, Sadiq Kobanî û Azad Gever bi rêzdarî û minetdarî bi bîr tînin."
Di daxuyaniyê de hat diyarkirin ku her 5 endamên HPGyê ji bajarên cuda yên Kurdistanê tevlî refên gerîlayan bûne û ji bo "doza hebûn û azadiya gelê Kurd" têkoşiyane.
HPGyê her wiha ji malbatên gerîlayan û gelê Kurdistanê re sersaxî xwest.
Agahiyên li ser nasnameyên gerîlayan wiha ne:
Hebûn Mîrkan: Navê wê yê fermî Naîme Serdar e, li Colemêrgê ji dayîk bûye û 11ê Kanûna Paşîn a 2020î li Gareyê canê xwe ji dest daye.
Bêrîtan Alan: Navê wê yê fermî Neslîhan Akgul e, li Wanê ji dayîk bûye û 11ê Kanûna Paşîn a 2020î li Gareyê canê xwe ji dest daye.
Axîn Xabûr: Navê wê yê fermî Henan Îso ye, li Helebê ji dayîk bûye û 11ê Kanûna Paşîn a 2020î li Gareyê canê xwe ji dest daye.
Sadiq Kobanî: Navê wî yê fermî Ferhat Balî ye, li Kobanî ji dayîk bûye û 14ê Tebaxa 2020î li Gareyê canê xwe ji dest daye.
Azad Gever: Navê wî yê fermî Cesûr Ahmed e, li Kobanî ji dayîk bûye û 11ê Tebaxa 2020î li Çiyayê Metînayê canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse