Hewlêr (Rûdaw) - Li çendîn parêzgehên Bakurê Kurdistanê barîna berfê berdewam dike û rêya bi sedan gund û cihên nîştecîbûnê hatin girtin.
Li parêzgehên Şirnex, Bedlîs, Colemêrg, Qers, Erdexan, Erzirom, Erzîngan, Agirî, Qers, Muş û Îdirê îro jî barîna berfê berdewam dike.
Li parêzgehên Colemêrg, Mûş û Bedlîsê ji ber berfê rêya 100 gund, mezra û cihên nîştecîbûnê hatn girtin.
Herwiha li ser rêyên di navbera Qers-Îdir û Qers- Erdexanê de jî ji ber berfê û pûkê 20 barhilgir di rê de asê man.
Rêya di navbera navçeya Qaqizman û parêzgeha Agiriyê jî ji ber berfa zêde û bahozê rê ji hatin û çûnê re hatin girtin.
Li piraniya wan parêzgehan rêyên diçin gundan û navçeyên bilind bi berfê hatine girtin.
Tîmên paqijkirina rêyan dest bi xebatên kirine.
Herwiha Rêvebriya Rêyên Bejahiyî jî hişyarî daye û ji welatiyan xwest ku eger ji neçarî nebe li deverên ku berf zêde dibare rêwîtiyê nekin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse