Zarokekî Kurd li daristana Bulxaristanê canê xwe ji dest da

Hewlêr (Rûdaw) - Zarokekî Kurd ê ji Rojavayê Kurdistanê Kurdistanê li daristaneke Bulxaristanê canê xwe ji dest da.

Zarokê Kurd Bîlal Heysem Bozan ê 15 salî, beriya du mehan ji gundê xwe Til Eranê, yê başûrêrojhilatê Helebê derket û xwest ku biçe Ewropayê.

Bîlal Heysem Bozan çûye parêzgeha Îdlibê û ji wir derbasî Tirkiyeyê bû.

Derdora mehekê Bîlal Heysem Bozan li bajarê Edirneyê  dimîne û piştre derbasî Bulxaristanê dibe.

Lê ji ber berfê û sermayê û westanê dilê Bîlal Heysem Bozanê biçûk radiweste û Bîlal li daristanên Bulxaristanê canê xwe ji dest dide.

Piştî mirina Bîlal Heysem Bozan, termê wî vediguheze nexweşxaneyeke bajarê Xoskovê.

Malbata Bîlal Heysem Bozan daxwaza vegerandina termê wî ji Bulxaristanê dike lê  ti rê li pêşiya wan nîne.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger