Hewlêr (Rûdaw) - Bihayê zêr îro gihîşt asteke dîrokî ya bêwêne û nêzîkî 5 hezar û 600 dolarî bû. Berê sibehê onseke zêr bi qasî 5 hezar û 540 dolarî dihat firotin.
Şirovekarê şirketê rawêjkariyê ya Marexê Edward Meir li ser vê mijarê got,"Zêdebûna deynên Amerîkayê û nediyariyên têkildarî karên bazirganiya cîhanî, bûn sedema bihabûna zêde ya zêr."
Bihayê zêr cara ewil roja duşemê gihîştibû asta 5 hezar dolarî û tenê di vê hefteyê de ji sedî 10 zêde bûye.
Zêr êdî ne tenê stargeheke ewle ye di dema nediyarî û dilgiraniya bazirgan û veberhêneran de, belkî bûye pîverek ji bo nirxandina saman û darayiyan. Çimkî bihayê dolarî li beramberî pereyên din ên cîhanê daketiye û baweriya bi dolarê Amerîkayê kêm bûye.
Zêr bi awayekî pratîkî cihê dolar digire. Heta niha di nav vê salê de bihayê zêr bi rêjeya ji sedî 27 zêde bûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse