Çar ciwanên Rojavayê Kurdistanê li zîndaneke Iraqê hatin berdan

Hewlêr (Rûdaw) – Çar ciwanên Rojavayê Kurdistanê ji zîndaneke Mûsilê hatin berdan.

Piştî 2 meh û 12 rojan, 4 ciwanên ji Rojavayê Kurdistanê ku li Mûsilê girtî bûn, hatin berdan.

Ew ciwan ji Kobanî, Amûdê, Dirbêsiyê û Reqayê ne.

Fîras Mistefa yek ji wan ciwanên ji Rojavayê Kurdistanê ji nûçegihana Rûdawê Helebja Sadûn re got, roja 8ê Tebaxa îsal ew ji Kobanî û 3 ciwanên din ji Reqa, Amûdê û Dirbêsiyê, bi qaçaxî ji bo kar derbasî Iraqê bibûn.

Fîras Mistefa da xuyakirin, ew ji aliyê hêzên Heşda Şeibî ve li nahyeya Sinûnê ya ser bi Şingalê ve hatin girtin û piştî heftiyekê ji desteserkirinê, ew ji bo zîndaneke Mûsilê hatin şandin.

Fîras herwiha got, piştî mehekê ji girtinê nûnerekî Neteweyên Yekbûyî (NY) serdana wan kiriye û navên wan tomar kiriye, piştî meheke din formên NY ji bo wan anîne û roja Pêncşembê 20ê Cotmehê jî ew hatin berdan.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger