Hewlêr (Rûdaw) - Dezgeha Firokevaniya Sivîl a Îranê ragihand ku ji niha û pê ve bêyî qeydkirinê hemû çalakiyên dronên sivîl li wî welatî qedexe ne.
Medyaya fermî ya Îranê belav kir ku Dezgeha Firokevaniya Sivîl a Îranê di daxuyaniyekê de hişyarî daye xwediyên dronan.
Dezgeha Firokevaniya Sivîl a Îranê gotiye, ji niha û pê ve firîna hemû corên dronan li asmanê welêt qedexe ye û tenê bi qeydkirina dronan di sîstemeke taybet de rê dê ji wan re were dayîn ku bên bikaranîn.
Li gorî daxuyaniyê sîstema taybet a qeydkirina dest pê kiriye û pêwîst e hemû kesên xwedî dron in di sîstemê de drona xwe li ser navê xwe qeyd bikin û hejmareke taybet jê re wergirin.
Li gorî Dezgeha Firokevaniya Sivîl a Îranê, sedema wergirina vê tedbîra nû pêkanîna aramî û kontrolkirina bikaranîna van amûran e.
Bikaranîna her core drona sivîl a neqeydkirî li Îranê wekî neyasayî tê dîtin.
Divê were gotin ku di şerê 12 rojî yê navbera Îran û Îsraîlê de, dronên Îsraîlê roleke berbiçav di êrişkirina ser hedefên cuda yên li deverên cihê yên Îranê de lîstibûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse