Hewlêr (Rûdaw) - Wezîrê Karên Derve yê Îranê rexneyên tund li Îsraîlê girtin û got: “Dema ku êrişa dewleta Siyonîst dest pê kir em bi Amerîkayê re di nava dan û standinan de bûn.”
Wezîrê Karên Derve yê Îranê Ebas Eraqçî li Tehranê bi balyozên welatan re derbarê şerê niha yê di navbera Îran û Îsraîlê de axivî û got:
“Rejîma Îsraîlê ti sînoran di binpêkirina qanûnên navneteweyî de nas nake.”
Ebas Eraqçî her wiha anî ziman:
“Rejîma Siyonîst xeteke sor a nû ya qanûnên navneteweyî derbas kir, ew jî êrişkirina ser dezgehên atomî bû.”
Wezîrê Karên Derve yê Îranê her wiha ragihand:
“Spasiya balyozên hemû wan welatan dikim ku êriş şermezar kir.
Helbet welat hene ku bangeşeya şaristaniyetê û pêbendiya bi qanûnên navneteweyî dikin lê li şûna şermezarkirina Îsraîlê, Îran bi destdirêjiyê tawanbar dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse