Li Stenbolê êrişa bi çekê: Kuştî û birîndar hene

Hewlêr (Rûdaw) - Li navçeya Kuçukçekmeceyê ya Stenbolê di êrişeke bi çekê de 2 kes hatin kuştin û kesek jî birîndar bû.

Bûyer doh êvarê li Taxa Mehmet Akîf a navçeya Kuçukçekmeceyê rû da.

Li gorî zanyariyan, du gumanbarên bi motorsîklet êrişî Muhammet Gozsu (23) û Levent Oner (30) kir ku li ser Cadeya Aşik Veysel dimeşiyan.

Di êrişê de li gel Gozsu û Oner, welatiyê Sûriyeyî Hasan Aliyê (29) ku têkiliya wî bi bûyerê re nebûye û di wê kêlîkê de li wir bûye jî birîndar bûn.

Li ser agahdarkirinê polis û tîmên tenduristiyê çûn cihê bûyerê.

Tîmên tenduristiyê Hasan Ali û Muhammet Gozsu rakirin nexweşxaneyê lê tevî hemû midaxeleyan wan canê xwe ji dest da.

Hat ragihandin ku tedawiya Levent Oner didome û polîsan ji bo girtina gumanbarên ku reviyane dest bi xebatan kiriye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger