Volodymyr Zelenskyy çû Tirkiyeyê

Hewlêr (Rûdaw) - Serokê Ukraynayê Volodymyr Zelenskyy ji bo bi Serokomarê Tirkiyeyê Recep Tayyîp Erdogan re bicive çû Enqereyê.

Balafira ku Serokê Ukraynayê Volodymyr Zelenskyy tê da bû îro nîvro li Balafirgeha Esenbogayê danî.

Zelenskyy li balafirgehê ji aliyê rayedar û Wezîrê Karên Derve yê Ukraynayê Andrii Sybiha ve hat pêşwazîkirin.

Tê plankirin ku Zelenskyy bi Recep Tayyîp Erdogan re îro li Kuliyeya Serokkomariyê hevdîtinekê bike.

Divê were gotin ku şandeyên Rûsya û Ukraynayê li Stenbolê ne.

Her wiha Serokê Amerîkayê Donald Trump diyar kiriye ku eger bipêşveçûnek çêbibe dibe ku roja înê ew jî biçe Stenbolê.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger