Li Denîzliyê di konteynera gilêşê de termê pitikekî hat dîtin

Hewlêr (Rûdaw) - Li Bajarê Denîzliyê yê Tirkiyeyê di konteynera gilêşê termê pitikekî nûbûyî hat dîtin.

Term şeva borî li navçeya Merkezefendiyê hat dîtin.

Li ser agahiya ku li Taxa Sumerê ya li Bulvara Enqereyê bebikekî nûçêbûyî avêtine çopê, polîs û tîmên tenduristiyê çûn cihê bûyerê.

Tîmên tenduristiyê di kontrolê de diyar kir ku pitikê nûçêbûyî yê di konteynerê de hatiye dîtin miriye.

Tîman termê wî dergûşî ji bo otopsiyê veguhast Saziya Tiba Dadî.

Polîsan li herêmê lêkolîn kir û li ser bûyerê dest bi lêpirsînê kir.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger