Hewlêr (Rûdaw) - Li navçeya Serîkê ya parêzgeha Antalyayê ya Tirkiyeyê, nîqaşeke trafîkê ya li ser "rêdayînê" veguherî bûyereke bixwîn.
Karmendekî parastina daristanan gule berdan komekê û di encamê de 3 kesan canê xwe ji dest da.
Bûyer, şeva borî derdora demjimêr 01:30î li Taxa Kokezê çêbû.
Li gorî îdiayan, ji ber meseleya "rêdayînê" di navbera koma ku ji Emre Savranê 35 salî, Bilgin Korkutê 34 salî, Oguz Avciyê 49 salî û Ali Tunç pêk dihat û Ahmet Bayarê 25 salî yê ku bi otomobîla xwe di rê re derbas dibû de nîqaş derket.
Gule li komê reşandin
Nîqaşa wan di demeke kurt de gur bû û piştî ku alî ji otomobîlên xwe daketin nîqaş veguherî pevçûnê.
Hat zanîn ku Ahmet Bayar li navçeya Gundogmuşê wekî "nobedarê daristanan" dixebite.
Ahmet Bayar demançeya xwe kişand û gule li koma ku pê re nîqaş dikir reşandin.
Li ser agahdarkirinê tîmên polîs û tenduristiyê çûn cihê bûyerê.
Tîmên tenduristiyê tespît kir ku Bilgin Korkut û Oguz Avci li cihê bûyerê mirine.
Emre Savran bi giranî birîndar bûbû û hevalê wî Ali Tunç ew bi otomobîlê veguhast Nexweşxaneya Dewletê ya Serîkê.
Lê tevî hemû midaxeleyan Emre Savran jî mir.
Teslîmî polîsan bû
Ahmet Bayarê ku 3 kes kuştin, piştî bûyerê bi demançeya xwe ve çû Birêvebiriya Ewlehiyê ya Serîkê û teslîmî polîsan bû.
Lêpirsîna Ahmet Bayar a li ewlehiyê didome.
Piştî lêkolîna dozgeriyê, termên her sê qurbaniyan ji bo otopsiyê veguhastin morga Saziya Tiba Dadî ya Antalyayê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse