Hewlêr (Rûdaw) - Hevserokê berê yê Partiya Demokratîk a Gelan (HDP) û siyasetmedarê Kurd Selahattin Demîrtaş nerazîbûn nîşanî helwêsta polîsan a li hember Hevserokê Şaxa HDPê ya Stenbolê Ferhat Encu da û got, “Kurd êrîşa we ya li ser dayikên me û şimaqa ku li Ferhat Encu ketiye ji bîr nakin.”
Doh 18ê Berfanbara 2022an li navçeya Kadikoy a Stenbolê polîsan destewerdana meşa “Nobeta Edaletê” kir û di dema çalakiyê de polîsekî şimaqek li Hevserokê HDPê yê Stenbolê Ferhat Encû xist.
Di serî de partiya wî û gelek kesan nerazîbûn nîşanî helwêsta polîsan a li hember Ferhat Encu da.
Selahattin Demirtaş jî li ser hesabê xwe yê Twitterê nerazîbûn nîşan da û ragihand, “Demeke dirêj e ev desthilata ku heta qirikê ketiye nav tawan û gemarê hedê xwe derbas kiriye. We hîn şimaq nedîtine. Li benda sindoqê bin em ê nîşan bidin.”
Demirtaş her wiha got, "Kurd êrîşa we ya li ser dayikên me û şimaqa ku li Ferhat Encu ketiye ji bîr nakin."
Gırtlağına kadar pisliğe, suça bulaşmış bu iktidar haddini aşalı çok oldu.
— Selahattin Demirtaş (@hdpdemirtas) December 18, 2022
Analarımıza yapılan bu saldırıyı ve Ferhat Encü'ye atılan tokadı Kürtler kesinlikle unutmayacak.
Siz daha tokat görmemişsiniz. Sandığı bekleyin, göstereceğiz!
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse