Hewlêr (Rûdaw) - Sezgin Tanrikulu, îro rapora binpêkirina mafan a Hezîrana 2023yan eşkere kir.
Parlamenterê CHPyê yê Amedê Sezgin Tanrikulu ragihand, Hezîrana 2023yan 399 kesên ku beşdarî çalakî û xwepêşandanan bûne hatine desteserkirin.
"Di meha hezîranê de li 357 kesan şkence hat kirin"
Tanrikulu li ser şkence û binpêkirinan wiha got:
“Di meha hezîranê de li 357 kesan şkence hat kirin. Li girtîgehan 32 bûyerên şkenceyê rû da. 5 ji wan 357 kesên ku rûbirûyî şkenceyê bûn zarok in.
399 kesên ku beşdarî çalakî û xwepêşandanan bûn hatin desteserkirin û ji wan 12 hatin girtin.
15 çalakî hatin qedexekirin. Hêzên ewlehiyê midaxeleyî 23 çalakî û xwepêşandanan kir.”
Tanrikulu da zanîn ku hezîranê derbarê 6 rojnamegeran de lêpirsîn hat vekirin, rojnamegerek hat girtin.
Herwiha 4 rojnameger hatin desteserkirin û dadgehê ceza li 4 rojnamegeran birî.
Bi gotina Tanrikulu herwiha 4 rojnameger rûbirûyî êrîşê bûn 521 nûçe hatin astengkirin.
Tanrikulu bal kişande ser çalakiya Dayikên Şemiyê û got:
“Tevî biryara Dadgeha Destûrê rê nadin Dayikên Şemiyê li Meydana Galatasarayê kom bibin û her hefte wan desteser dikin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse