Hewlêr (Rûdaw) - Hevseroka Partiya Sosyalîst a Bindestan (ESP) Hatîce Denîz Aktaş, Hevseroka Federasyona Komeleyên Ciwanan a Sosyalîst (SGDF) Berfîn Polat û Berdevka Meclîsên Jinên Sosyalîst (SKM) Tanya Kara û çend endamên ESPyê hatin desteserkirin.
Di çarçoveya lêpirsîna Serdozgeriya Komarê ya Stenbolê de îro hêzên ewlehiyê bi ser hinek malên endamên Partiya Sosyalîst a Bindestan û Federasyona Komeleyên Ciwanan a Sosyalîst de girt.
Di operasyona hêzên ewlehiyê de tevî Hevseroka ESPyê Hatîce Deniz Aktaşê, Hevseroka SGDFyê Berfîn Polat û Berdevka SKMyê Tanya Kara û hinek endamên ESPyê hatin desteserkirin.
Hêzên ewlehiyê kesên desteserkirî birin rêveberiya ewlehiyê.
Hat zanîn ku hevdîtina parêzeran û kesên desteserkirî hatiye qedexekirin.
“Bi çalakiyên kolanan bersivê bidin êrişan”
ESPyê li ser hesabê xwe yê Xê ragihand:
“Di çarçoveya lêpirsîna ku li Stenbolê hatiye destpikirin de, îro danê sibehê di serdegirtina malan de Hevseroka me Hatîce Deniz Aktaş û Berdevka me ya SKMyê Tanya Kara gelek endam û birêvebirên partiya me hatin desteserkirin.
Em bangî hemû raya giştî ya demokratîk dikin ku bi çalakiyên kolanan bersivê bidin van êrişên faşîzmê û piştgiriyê bidin rêhevalên me.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse